Kryeministri i Kosovës, Albin Kurti, ka deklaruar në një aktivitet të partisë së tij, Lëvizja Vetëvendosje, se problemi me Veriun është krijuar edhe nga fakti se ish-kryeministri Hashim Thaçi, ishte zotuar vite më parë se nuk do të fuste Forcën e Sigurisë së Kosovës në atë zonë. Kurti e ka cilësuar këtë si një “zotim të njëanshëm” që sipas tij ka krijuar një boshllëk që duhet mbushur.
“Kufiri ynë duhet të ruhet. Ky vakum që është atje duhet të mbushet, dhe për këtë jemi duke shtuar bashkëpunimin me aleatët tanë ndërkombëtarë, e ata trupat e KFOR-it”, thotë Kurti.