Kryeministri i Kosovës, Albin Kurti zhvilloi një takim me Shefin e Zyrës së BE në Kosovë, ambasadorin Aivo Orav.
Ata kanë diskutuar për përparimin e Kosovës në procesin e integrimit në Bashkimin Evropian. Kurti që theksoi angazhimin e plotë të qeverisë për realizimin e reformave të nevojshme.
Kurti ka përmendur angazhimin e Kosovës në Planin e Rritjes, që ka për qëllim integrimin më të thellë të rajonit në BE. Kjo duke siguruar një mbështetje financiare prej 882.6 milionë eurosh për Kosovën. Ata kanë diskutuar për situatën politike aktuale dhe rëndësinë e forcimit të bashkëpunimit rajonal.