Kryeministri i Kosovës, Albin Kurti ka publikuar pamje nga vizita që zhvilloi sot në Kroin e Vitakut në Mitrovicën Veriore.
“Bakllava e ëmbëlsira për policët tanë në veri të vendit”, shkroi Kurti në Facebook.
Ai tregoi se bashkë me ministrin e Brendshëm, Xhelal Sveçla dhe zëvendësin e tij, Blerim Gashani, vizituan njësitet policore te Kroi i Vitakut.
“Përgatitja e lartë profesionale është garanci për zbatimin e ligjit dhe për sigurinë si e mirë publike që u ofrohet të gjithë qytetarëve pa dallim”.
“Diskutimin e vazhduam edhe në qendrën ‘Belvedere’”, deklaroi Kurti.