Prokuroria e Elbasanit, ka mbyllur hetimt për grupin e Elbasanit, që akuzohen për prodhim dhe shitje të lëndëve narkotike. Bëhet fjalë për Klajdi Gjecin dhe anëtarët e tjerë të grupit, Klaudjo Trungu menaxheri i lokalit “My Brother” në Elbasan, Agron Qafa, Skënder Pëllumbi, Lavdosh Demaj dhe Lorencio Gjini.
Dosja e çështjes në fjalë ka zbuluar se si të arrestuarit në fjalë vepronin në tregun e kokainës dhe heroinës në Tiranë dhe në Elbasan. Madje, djemtë kishin edhe oferta ‘pikante’ për blerësit e ‘mallit’, duke u dhënë një bonus për dëfrim.
Bonus ishin vajza, që klientët mund t’i merrnin për t’u argëtuar, pa paguar asnjë tarifë ekstra, mjafton që të blinin drogë.
Madje, një ofertë të tillë i ka bërë edhe i arrestuari Skënder Pëllumbi, agjentit që e vuri në pranga. Përgjimet kanë zbuluar se fjala që përdornin në mënyrë të koduar shitësit e drogës me blerësit, ishte ‘serbator nafte’.
“Më sill një serbator e gjysmë naftë,”- thuhet në një prej mesazheve të zbardhura.
Klajdi Gjeci u vu në pranga më 14 maj të këtij viti, pasi prej një viti ishte shpallur në kërkim për trafik droge, shpërthime me eksploziv dhe armë-mbajtje pa leje.
Ai u kap në rrugën “Sami Frashëri në Tiranë.