Ky është Viron Karabollaj, 40 vjeç, i cili goditi për vdekje me thikë ish-gruan Vera Myrta, 37 vjeçe bashkë me partnerin e saj Flonino Mërkuri, 23 vjeç në banesën ku jetonin në Itali.
Pas krimit të dyfishtë, vrau edhe veten.
Fillimisht u mendua se bëhej fjalë për vrasje-vetëvrasje, por u zbulua se ishte një person i tretë që kishte kryer krimin e dyfishtë dhe më pas vrau veten. Ish bashkëshorti i gruas, me origjinë nga Shqipëria është gjetur i vdekur pranë një kompanie të quajtur Mira. Ai është identifikuar si Viron Karabollaj.
Sapo mbërritën në vendngjarje, hetuesit gjetën një armë zjarri dhe një thikë. Dy bashkëjetuesit ishin vrarë me thikë, raportojnë mediat italiane. Nuk përjashtohet mundësia që krimi të ketë ndodhur pasi burri nuk e ka pranuar lidhjen e re të ish gruas. Ndërkohë po vijojnë hetimet.