U vra sot brenda makinës së tij në Laç, pronari i një biznesi materialesh ndërtimi dhe i skeduar më herët nga policia.
Por kush është viktima?
Detaje të reja kanë dalë në dritë nga atentati i ndodhur mëngjesin e kësaj të premteje në qytetin e Laçit, ku u vra brenda makinës së tij 55-vjeçari Rakip Rrjolli.
Viktima njihej si biznesmen i tregtimit të materialeve të ndërtimit.
Emri i tij nuk ishte i panjohur për policinë, pasi 10 vite më parë ai është dënuar për një plagosje.
Sakaq, vlen të theksohet se policia ka ngritur pika kontrolli në hyrjet dhe daljet e qytetit të Laçit, me qëllim identifikimin dhe kapjen e autorit/ve.
Po ashtu, drejt Laçit janë drejtuar dy grupe të FNSH dhe ekspertë të kriminalistikës, që pritet të zbardhin të tjera detaje nga vendi i krimit dhe nga kjo ngjarje e rëndë.