Ai quhet Paramahamsa Vishwandanda,dhe pak kohë më parë erdhi në Shqipëri. Për kulturën shqiptare koncepti Guru nuk kuptohet mirë, por në emisionin “Opinion”, guruja ku lutet familja e ish-ministrit Damian Gjiknuri e shpjegon këtë koncept.
“Në traditën perëndimore Guru do të thotë të jesh mësues ose një mjeshtër, por ka një dallim të madh midis mësuesit dhe mjeshtrit . Mësuesi të mëson, ndërsa guru-ja të mbart me vete. Një mësues do të japë mësim dhe më pas do të mbarojë punë me ty, ndërsa guru-ja nuk mbaron punë më ty derisa ti të arrish nivelin e perfeksionit,”- u shpreh Paramahamsa Vishwandanda.
I pyetur se përse njerëzit duhet të kenë besim tek ai dhe jo tek një Guru tjetër Paramahamsa Vishwandanda u shpreh: “Çështja nuk është nëse njerëzit duhet të besojnë tek unë apo jo , është diçka personale. Ne besojmë se guruja shfaqet kur dishepulli është gati, para këtij çasti ai nuk shfaqet…”
“Edhe Jezusi u shfaq kur ishte koha e duhur,”-vijoi ai. Më pas u shpreh se ka mjaft njerëz që lexojnë libra spiritualë, por nuk janë gati për ta pranuar.