SPAK ka sekuestruar pasurinë e një shtetasi italian i cili në vendin e tij ka qenë i kërkuar për trafik droge dhe pastrim parash.
Një vit pas arrestimit të tij dhe ekstradimit në Itali, SPAK ka kërkuar sekuestrimin e pasurisë së tij në Shqipëri dhe bëhet fjalë për nëntë asete pasurore.
Giovanni di Cosimo, nga hetimi financiar i kryer nga SPAK ka rezultuar se teksa i fshihej drejtësië italiane në Shqipëri ka ushtruar dhe ka investuar në pasuri dhe konkretisht është vendosur sekuestrimi për një fabrikë në qytetin e Durrësit, për disa toka dhe automjete, të cilat konsiderohen si pasuri të këtij individi.
Cosimo ka qenë pjesë e një klani të trafikut të drogës në Bari grupi i të cilit u godit në dhjetor të 2018. Med
iat italiane të asaj kohe flasin për një luftë bandash për të fituar terren në një nga lagjet e qytetit për shpërndarje të drogës.
Ai ishte arratisur në Durrës ku dhe mbante kontaktet me pjestarët e grupit të tij në qytetin e lindjes.
Krahas tij SPAK ka nisur hetimet edhe për pasurinë e Bledar Seferi (alias Hakorja)i njohur si krahu i djathtë i Cosimos në Shqipëri, dhe i përfshirë në aktivitet kriminal të trafikimit të drogës.