Albana Koçiu është ministrja e re e Shëndetësisë, e emëruar nga kryeministri Edi Rama, i cili vendosi ta çojë Ogerta Manastirliun në krye të Ministrisë së Arsimit.
Por kush është Albana Koçiu? Për 10 vite ajo ka mbajtur postin e drejtoreshës së Departamentit të Administratës Publike (DAP).
Koçiu ka përfunduar studimet në Fakultetin e Shkencave Sociale, në Universitetin e Tiranës.
Ka një eksperience 18 vjeçare në pozicione drejtuese ne administratën qendrore dhe vendore, me fokus të veçantë në fushën e menaxhimit të burimeve njerëzore.
Në DAP, Koçiu kryeson në nivel teknik procesin e Reformës së Administratës Publike, si një ndër prioritetet e vendit drejt integrimit të Shqipërisë në Bashkimin Europian.