Operacioni Forca e Ligjit bëri të ditur emrat e dy personave të tjerë të cilëve u është dërguar formulari për të deklaruar dhe justifikuar burimin e pasurisë së tyre.
Njëri prej tyre është Bardhok Pllanaj që njihet dhe si “sheiku” i Shkodrës. Ai u arrestua pak vite më parë teksa policia në atë kohë bëri të ditur se bëri “sekuestro preventive të një pallati 10-katësh me vlerën e 2 milionë eurove”.
Por jo vetëm kaq. Ai u bë pjesë e lajmeve në vitin 2015, ku u fol se u fsheh teksa ishte në kërkim nga policia në makinën e ish-deputetit Mark Frroku. Emri i tij gjithashtu doli në fund të vitit 2015 për kapjen e sasisë rekord të 800 kg Kanabis në Lagunën e Vilunit.
