Mbrëmjen e sotme në “Opinion” në qendër të diskutimit është Kongresi i Lushnjes, Ahmet Zogu dhe Fan Noli. Historianët po ndajnë fakte interesante rreth historisë së Shqipërisë në vitet 1920-1925 ndërsa drejtori i Arkivit të Shtetit, Ardit Bido shton se kjo periudhë ishte aq dinamike sa ka patur edhe kryeministër për një ditë.
Ardit Bido: Ne kemi pasur situatë kur i ka vajtur me pistoletë në tavolinë kryeministrit për të dhënë dorëheqjen. Pra ke pasur një muaj që ka pasur 5 kryeminstra. Meqë u përmend Idhomeno Kosturi qëparë ka qenë kryeminstri një ditor i Republikës së Shqipërisë.
Niko Kotherja: Edhe Qazim Koculi.
Ardit Bido: Pra është një periudhë e rrëmujshme. Ne sot e mendojmë dhe një pjesë e publikut e mendojnë që Fan Noli ishte kundërshtar i Ahmet Zogut në dy kampe. Fan Noli ishte bashkëpartiaku fillimisht i Zogut dhe më vonë ndryshojnë këto anët dhe ndasitë politike në mënyrë aq të vrullshme sa nuk mund të thuhet as në 10 emisione.