Orland Paplekaj është personi i cili i shpëtoi një atentati me armë ditën e sotme në Shijak. Mësohet se në momentin e ngjarjes, ai ishte duke shpërndarë bombola gazi, kur një automjet tip “Golf” i’u afrua atij dhe nisi të qëllojë me breshëri automatiku.
Për pasojë, Paplekaj ka humbur kontrollin e mjetit duke dalë nga rruga. Për fat të mirë, i riu nuk ka pësuar dëmtime fizike pasi nuk është kapur nga plumbat.
Ai punonte si shpërndarës i bombolave të gazit, ndërsa më përpara ka punuar edhe si roje në disa kompani.
Gjatë dëshmisë së tij të dhënë përpara uniformave blu, Paplekaj ka deklaruar se nuk ka pasur probleme me asnjë person.