Çdo vit për pesë të fundit, Forbes nxjerr listën e ndërmarrjeve me rritje të shpejtë, të mbështetur nga investitorë, që kanë shumë gjasa të arrijnë vlerën 1 miliardë dollarë. Këto janë disa prej tyre për vitin 2019.
CHAINALYSIS
Themeluesit: Michael Gronager (CEO), Jonathan Levin, Jan Moller
Kapitali i ngritur: 53 milionë dollarë
Të ardhurat e vlerësuara në 2018-ën: 8 milion dollarë
Investitorët kryesorë: Accel, Benchmark
Me bazën në Nju Jork, Chainalysis bën hetime të kripto-monedhave që ndihmojnë individë të ndryshëm të kuptojnë se si njerëzit përdorin bitcoin, ethereum, litecoin dhe më shumë. Institucionet financiare përdorin teknologjinë për të shqyrtuar klientët e mundshëm dhe të kuptojnë rregullat e dizajnuara për të parandaluar pastrimin e parave, ndërsa agjencitë qeveritare si Shërbimi i të Ardhurave të Brendshme dhe Byroja Federale e Hetimeve mund të identifikojnë transaksione të paligjshme dhe të hetojnë kriminelët e dyshuar.
CONTRAST SECURITY
Themeluesit: Arshan Dabirsiaghi, Jeff Williams; CEO: Alan Naumann
Kapitali i ngritur: 122 milionë dollarë
Të ardhurat e vlerësuara në 2018-ën: 25 milionë dollarë
Investitorët kryesorë: Acero Capital, Battery Ventures, General Catalyst, Warburg Pincus
Në vitin 2010, analisti i softuerit Jeff Williams, 52 vjeç, filloi të shtojë resurse në konsultimin e tij, Aspect, për të zhvilluar një program që do të automatizonte analizën e sigurisë së softuerit. Në vitin 2014, ai dhe ish analisti i Aspect, Arshan Dabirsiaghi, 36 vjeç, krijuan Contrast, e bazuar në Kaliforni, për të monitoruar kodin brenda aplikacioneve të drejtuara dhe për të njoftuar drejtpërdrejt zhvilluesit për dobësi të mundshme. “Puna që më parë duhej të kalonte përmes ekspertëve të sigurisë tani shkon direkt tek zhvilluesit”, thotë Dabirsiaghi, shefi shkencëtar i kompanisë.
CYBEREASON
Themeluesit: Lior Div (CEO), Yossi Naar, Yonatan Striem-Amit
Kapitali i ngritur: 189 milionë dollarë
Të ardhurat e vlerësuara në 2018-ën: 50 milionë dollarë
Investitorët kryesorë: CRV, Lockheed Martin, Softbank, Spark Capital
Bashkëthemeluesit Lior Div, Yossi Naar dhe Yonatan Striem-Amit u takuan gjatë shërbimit të tyre në njësinë e inteligjencës së Forcave të Mbrojtjes të Izraelit, Njësia 8200, tokë pjellore për shumë fillesa të teknologjisë së lartë. Ndërsa po punonin për sigurinë kibernetike në ushtri, ata arritën me idenë për Cybereason, një platformë jo e bazuar në servera, duke u specializuar në monitorimin e vazhdueshëm dhe reagimin ndaj kërcënimeve të avancuara të kibernetikës. Kompania filloi në vitin 2012, dhe u zhvendos nga Izraeli në Boston vitin e ardhshëm.
DUOLINGO
Themeluesit: Luis von Ahn (CEO), Severin Hacker
Kapitali i ngritur: 108 milionë dollarë
Të ardhurat e vlerësuara në 2018-ën: 36 milionë dollarë
Investitorët kryesorë: CapitalG, Kleiner Perkins, Union Square Ventures
Mjeti më popullor digjital për mësimin e gjuhëve të huaja, Duolingo ka 28 milionë përdorues aktivë mujorë. Të ardhurat, kryesisht nga tarifat e abonimit për Duolingo Plus pa reklama, pritet të dyfishohen këtë vit. CEO Luis von Ahn, 39 vjeç, është fitues i vitit 2006 i një granti “genius”. Para se të themelonte Duolingo me qendër në Pittsburgh, ai shiti dy shpikje në Google, duke përfshirë reCAPTCHA, softuerin që lejon Google të bëj dallimin mes njerëzve dhe robotëve. Një emigrant nga qyteti i Guatemalës, i cili thotë se mësimi i anglishtes ia transformoi jetën, ai është i motivuar të ofrojë edukim falas për mësimin e gjuhëve për çdokënd që dëshiron.
TRUEPILL
Themeluesit: Umar Afridi (CEO), Sid Viswanathan
Kapitali i ngritur: 13 milionë dollarë
Të ardhurat e vlerësuara në 2018-ën: 48 milionë dollarë
Investiorët kryesorë: Initialized Capital
Truepill është një farmaci që lejon konsumatorin t’i dërgohet porosia drejt e në shtëpi. Ajo plotëson dhe dorëzon recetën e pacientit. Umar Afridi, 37 vjeç, një ish-farmacist me pakicë, dhe Sid Viswanathan, 35 vjeç, të cilët më parë kanë punuar në Johnson & Johnson dhe LinkedIn, shohin një treg në rritje në sjelljen e teknologjisë dhe efikasitetit në farmaci. Megjithëse Truepill filloi me markat e drejtpërdrejta me konsumatorin, tani është duke bërë një lojë më të madhe për të sjellë klientët e korporatave me ilaçe të kushtueshme dhe të specializuara.
Forbes-SCAN