Personi që shihni në foton e mësipërme është 33-vjeçari Hektor Ndoka. Ai është arrestuar nga policia spanjolle pasi ishte shpallur në kërkim nga autoritetet shqiptare për planifikimin e vrasjes së Preng Palucës.
Ai u kap në Madrid dhe është me precedent të theksuar kriminal, i dyshuar si i përfshirë për një seri ngjarjesh të rënda në vend. Bashkë me të u kap dhe Edmir Vlashin, bashkëpunëtor në planifikimin e vrasjes së Preng Palucës dhe i shpallur në kërkim për këtë ngjarje.
Mediat spanjolle raportojnë se pas arrestimit, policia i gjeti Hektor Ndokës edhe tre armë zjarri dhe municion luftarak. 33-vjeçari së bashku me Edmir Vlashin, u shpall në kërkim më 8 Dhjetor të 2021 nga policia e Lezhës.
Të dy këta persona, me lidhje shoqërore me njëri-tjetrin, kishin planifikuar vrasjen e Preng Palucës në Tiranë, ngjarje kjo që nuk u finalizua. Shkak u bë një konflikt për prishje të pazareve të drogës jashtë shtetit.