Pjepri është një frut i domosdoshëm në verë. Përveçse është i shijshëm, ai është plot me vitamina C, B dhe A, si dhe me kalcium, magnez, fosfor, hekur, bakër dhe mangan. Përmban gjithashtu tiaminë, niacinë, vitaminë B6, folate, acid pantotenik.
Megjithatë, ajo që është më e rëndësishme për të gjithë njerëzit që kanë hipertension, është se pjepëri përmban kalium, një mineral kyç për rregullimin e presionit të gjakut. Sipas “American Cardiovascular Association”, kaliumi në pjepër ul presionin e gjakut duke reduktuar efektin e natriumit dhe duke “relaksuar” enët e gjakut.
Përkatësisht, kaliumi ndihmon trupin të çlirojë natriumin e tepërt dhe në këtë mënyrë redukton presionin e lartë të gjakut. Kaliumi është gjithashtu i nevojshëm për të rregulluar ekuilibrin e ujit, ekuilibrin acid-bazë dhe funksionin neuromuskular, dhe gjithashtu luan një rol të rëndësishëm në transmetimin e impulseve elektrike në zemër.
Marrja e kaliumit shoqërohet gjithashtu me një rrezik të reduktuar të goditjes në tru dhe humbje të masës muskulore. Ky mineral ruan densitetin e kockave dhe parandalon gurët në veshka. Ajo që është gjithashtu një avantazh i ngrënies së pjeprit në verë është fakti se i përket ushqimit lehtësisht të tretshëm dhe për shkak të bollëkut të fibrave dhe ujit, parandalon kapsllëkun dhe ndihmon në rregullimin e tretjes, shëndetin e traktit tretës dhe eliminimin e toksinave nga zorrët.
Rekomandohet të hahet me stomakun bosh dhe para një vakti tjetër.