Laçi është padyshim ekipi i momentit në Kategorinë Superiore.
Kurbinasit e drejtuar nga Armand Cungu morën fitoren e katërt radhazi dhe tashmë e shikojnë veten në vendin e tretë të klasifikim.
Në takimin e sotëm, bardhezinjtë mposhtën minimalisht 1-0 Kukësin. Goli i Nwabueze me penallti i dha tre pikë kurbinasve, me goditjen e amerikanit që thelloi krizën e nënkampionëve të vendit.
Ky realizim e ngjit 26 vjeçarin në kuotën e 10 golave, duke qënë në rrugën e duhur për të fituar “Këpucën e Artë” të kampionatit. Tashmë, Laçi e shikon veten në vendin e tretë në kuotën e 19 pikëve. Ndërkaq, Kukësi qëndron dy pozicione më poshtë me një pikë më pak.
Java e 12-të e Kategorisë Superiore mbyllet me takimin e stadiumit “Flamurtari” mes vendasve dhe kampionëve në fuqi të Superligës, Partizanin.