Lady Gaga ka zbuluar për herë të parë se ka veshur një fustan antiplumb për të kënduar në inaugurimin e Presidentit Joe Biden. Krijuesja e hitit “Poker Face” performoi në ceremoninë në janar, duke kënduar Star Spangled Banner përpara se Zëvendëspresidentja Kamala Harris të betohej përpara Kapitolit të Shteteve të Bashkuara në Uashington DC.
35-vjeçarja foli për rolin e saj në inaugurimin presidencial dhe tha se ishte një nga ditët më krenare të gjithë jetës së saj.
Ajo i tha British Vogue se kishte një “frikë të thellë” kur Donald Trump ishte president dhe tha se largimi i presidentit të 45-të dhe ardhja e të 46-it është diçka për të cilën do të jetë në gjendje t’u tregoj fëmijëve të saj.
Gaga më pas foli për fustanin e saj të bërë me porosi Schiaparelli, i cili ishte i frymëzuar nga flamuri amerikan dhe përmbante një xhaketë të qepur marine prej kashmiri dhe një fund të kuq voluminoz.
Lady Gaga këndoi Himnin Kombëtar të SHBA në inaugurimin e Joe Biden
“Të këndoj me një fustan antiplumb Schiaparelli… Nuk e di nëse njerëzit e dinë këtë për mua, por nëse nuk do të isha kjo që jam sot, do të kisha qenë një gazetarel ufte. Kjo ishte një nga ëndrrat e mia”, shpjegoi ylli i House of Guçi.
Është hera e parë që ajo zbulon detaje të veshjes së saj, e cila është krijuar nga drejtori kreativ i Schiaparelli, Daniel Roseberry. Në atë kohë, stilisti amerikan e përshkroi veshjen, e cila ishte përfunduar me një karficë pëllumbi të praruar, si “një letër dashurie për vendin që i mungonte shumë”.