Rezultatet paraprake në zgjedhjet presidenciale në Francë shpallin fitues presidentin aktual Emmanuel Macron. Sipas exit- polleve Macron ka siguruar një mandat të dytë me 58.2% të votave. Ndërkohë që kandidatja tjetër në garë Marine Le Pen ka marrë 41.8 % të votave.
Emmanuel Macron u kërkoi votuesve t’i besonin atij për një mandat të dytë pesë-vjeçar, pavarësisht nga një presidencë e shënuar nga protestat, pandemia dhe lufta e Rusisë në Ukrainë.
Presidenti aktual i Francës, Emmanuel Macron u rizgjodh të dielën, më 24 prill, me 58.2% të votave krahasuar me 41.8% për rivalen e tij, kandidaten e ekstremit të djathtë Marine Le Pen, sipas parashikimeve nga Ipsos-Sopra Steria për France Télévisions dhe Radio France. Fitorja e Macron e bën atë presidentin e parë francez në 20 vjet që fiton një mandat të dytë.
Të dy kandidatët u përpoqën të tërheqin 7.7 milionë mbështetës të kandidatit të majtë Jean-Luc Melenchon, i cili ishte mes 10 kandidatëve të tjerë presidencialë të eliminuar në raundin e parë të votimit më 10 prill. Macron ka kërkuar t’u bëjë thirrje votuesve të trashëgimisë së emigrantëve dhe pakicave fetare, veçanërisht për shkak të politikave të propozuara të zonjës Le Pen që synojnë myslimanët dhe vendosin qytetarët francezë të parët në radhë për punë dhe përfitime.
Macron ka promovuar gjithashtu arritjet e tij mjedisore dhe klimatike në një përpjekje për të tërhequr votuesit e rinj të popullarizuar me kandidatët e së majtës ekstreme. Shumë votues të rinj francezë janë veçanërisht të shqetësuar për çështjet klimatike. Macron ka thënë se kryeministri i tij i ardhshëm do të vihet në krye të planifikimit mjedisor pasi Franca kërkon të bëhet neutrale ndaj karbonit deri në vitin 2050.