Një person ka shkuar i plagosur me armë zjarri në spitalin e Vlorës ku ndodhet jashtë rrezikut për jetën.
Në informacionin paraprak të bërë të ditur nga polici e Vlorës mësohet se është gjetur i djegur një automejt që dyshohet të jetë i autorit të ngjarjes.
Ndërkaq, vijon krehja e zonës.
NJOFTIMI
Vlorë/Informacion paraprak
Sot, rreth orës 10:00, në spitalin e Vlorës, ka shkuar i plagosur (dyshohet me armë zjarri, në rrethana ende të paqarta), shtetasi M. M., banues në Vlorë, i cili ndodhet nën kujdesin e mjekëve, jashtë rrezikut për jetën.
Gjatë krehjes së zonës, në aksin rrugor Vlorë- Selenicë, nga shërbimet e Policisë është konstatuar duke u djegur një automjet i braktisur i markës “Land Rover”, i cili paraprakisht dyshohet se mund të jetë i autorit të ngjarjes.
Vijon krehja e zonës nga shërbimet e DVP Vlorë, për identifikimin dhe kapjen e autorit/ve.
Grupi hetimor, në bashkëpunim me Prokurorinë, po punon për sqarimin e rrethanave të ngjarjes.