Paraditen e kësaj të hëne në Rrogozhinë është regjistruar një plagosje me armë zjarri.
I plagosuri është identifikuar si Klajdi Lluca, 22 vjeç nga zona e Rrogozhinës, dhe ngjarja ka ndodhur në fshatin Sinaballaj.
Burime nga policia thanë se, fillimisht ka pasur një konflikt fizik mes dy palëve, sherr me sende të forta e me grushte.
Më pas njëri person ka qëlluar me pistoletë, duke lënë të plagosur të riun Lluca.
Policia thotë se ka bllokuar makinën me të cilën dyshohet se ka ikur autori.