Banorët e Zallë Gjoçajt në Mat dhe një grup aktivistësh të Shoqerisë Civile kanë protestuar pasditen e sotme kundër ndërtimit të heceve në këtë zonë. Protesta është zhvilluar pranë Piramidës. Policia ka ndërhyrë dhe ka shoqëruar 11 protestues për organizim tubimi të paligjshëm.
Shoqërimet e policisë kanë ardhur pas disa thirrjeve për t’u shpërndarë pasi protestuesit nuk po zbatonin ruajtjen e distancës për parandalimin e përhapjes së Covid-19.
Tre muaj më parë banorë të zonës dogjën dy mjete të firmës ndërtuese.