Ambasada amerikane në Ukrainë i’u ka bërë herë pas here thirrje qytetarëv të saj që të “largohen menjëherë nëse është e sigurt për ta bërë këtë duke përdorur çdo mundësi transporti tokësor komercial ose privat” dhe shtoi se ata që mbeten “duhet të ushtrojnë shumë kujdes për shkak të potencialit për luftime aktive, krime dhe trazira civile.”
“Qytetarët amerikanë që mbeten në Ukrainë duhet të monitorojnë me kujdes njoftimet e qeverisë dhe mediat lokale dhe ndërkombëtare për informacion në lidhje me ndryshimin e kushteve të sigurisë dhe alarmet për strehim në vend”, thuhet në alarm.
Ambasada e quajti situatën e sigurisë në Ukrainë “shumë të paqëndrueshme”, duke paralajmëruar se “kushtet mund të përkeqësohen pa paralajmërim” dhe vuri në dukje se “më 24 shkurt, forcat ruse sulmuan qytetet kryesore të Ukrainës dhe qeveria ukrainase mbylli hapësirën e saj ajrore për fluturimet tregtare për shkak të veprimeve ushtarake.”
“Mësoni vendndodhjen e strehës tuaj më të afërt ose hapësirës së mbrojtur. Në rast të sulmit me mortaja dhe/ose raketa, ndiqni udhëzimet nga autoritetet lokale dhe kërkoni strehë menjëherë”, thuhet në alarm.
Ndërkohë në Ukrainë nuk ka më asnjë përfaqësi diplomatike. Grupi i vogël i diplomatëve që kishin mbetur, janë zhvendosur nga Lviv në Poloni.