Valon Berisha i bëri një urim special bashkëlojtarit dhe patriotit të tij Riza Durmishi për ditëlindje. Mbrojtësi i majtë festoi 25 vjetorin. Kosovari shokun e ekipit te Lazio e konsideron si vëlla.
“Urime ditëlindjen vëlla”, shkroi mesfushori kosovar në Instastory, teksa e postoi një fotografi ku shihet së bashku me Durmishin. Ky i fundit u transferua te Lazio nga Betisi gjatë verës së vitit të kaluar, ndërsa Berisha e kishte lënë Red Bull Salzburgun për t’u transferuar në klubin nga Serie A.
Berisha dhe Durmishi janë bërë shokë të mirë dhe rrinë vazhdimisht së bashku. Berisha është lindur e rritur në Norvegji, ndërsa Durmishi në Danimarkë, vend të cilin e përfaqëson në futboll.
