Procesi i numërimit të votave po shkon drejt fundit, por Partia Lëvizja Demokratike Shqiptare e kryesuar nga Myslim Murrizi nuk arriti të merrte asnjë mandat deputeti.
Vetë Murrizi në një postim në rrjetet sociale akuzon numëruesit e PS, PD dhe LSI se kanë nxjerrë qëllimisht 80 mijë vota të pavlefshme, që në total përkojnë afërsisht me 10 mandate. Sipas tij, partitë e mëdha nuk pranuan numërues administrate pikërisht për këtë qëllim, që të mos lejojnë partitë e vogla të marrin mandate.
AI shprehet se do t’i drejtohet SPAK për të kërkuar rishikimin e këtyre votave, ndërsa shton se do të bëjë edhe denoncim për hetim dhe ekspertim të shenjave të vendosura në numa të ndryshëm të subjekteve zgjedhore.