Ish-kreu i Bashkisë së Bulqizës, Lefter Alla vijon përpjekjet me drejtësinë për t’u liruar nga qelia me pretendimin se është sëmurë dhe se qëndrimi prapa hekurave i rrezikon jetën. Ai depozitoi përmes avokatit këtë të hënë në Gjykatën për Korrupsionin dhe Krimin e Organizuar prova të reja nga ekspertët mjekoligjore.
Sipas avokatit, Hysni Demiraj gjatë një kontrolli të bërë për gjendjen shëndetësore ka rezultuar se Alla nuk është i në gjendje të përballojë burgun. Seanca e radhës nga gjykata u la në 29 korrik orën 13:30.
Lefter Alla pas arrestimit u shtrua në spitalin e burgut për shkak të problemeve shëndetësore. Ai akuzohet për shpërdorim detyre lidhur me një tender me vlerë rreth 3 milion euro për ujësjellësin dhe kanalizimet në lagjen e vjetër Bulqizë.