Ish-deputeti Lefter Maliqi, ndërsa zbuloi se do të kandidojë për kryetar të një bashkie në qarkun e Beratit nën siglën e opozitës së bashkuar, ai nuk la pa përmendur edhe rikthimin e Metës pas 5 viteve si President i Republikës.
I ftuar në një intervistë në “Fax News”, Maliqi tha se Berisha dhe Meta kanë 7 fishin e energjisë së kryeministrit Rama.
“Bashkimi i këtij binomi të fuqishëm, Sali Berisha mosha 78-vjeç me energji dyfishin e Ramës dhe Ilir Meta me energji 5-fishin e Ramës, do të thotë 7-fishin e energjisë. Ilir Meta ka tre ditë që ka ardhur në krye të Partisë së Lirisë, dhe di të them që nga mëngjesi në darkë nuk pushon. Kam pasur të tjerë që më drejtonin në fushatë, por tani të merr të paktën 3 herë në ditë, ku je, ça po bën do organizojmë takim, shko te njerëzit. Ka kërkesë të lartë llogarie gjë që s’ka pasur. Pra të vë dhe përpara përgjegjësisë. Sigurisht do të jem edhe unë në një nga bashkitë e qarkut të Beratit nga opozita e bashkuar”, u shpreh Maliqi.