Liga Profesioniste e Futbollit para disa ditësh vendosi bojkotin e nisjes së kampionatit. Ata pretendojnë se nuk kanë kushtet e duhura financiare për të vazhduar dhe listuan katër kërkesa për qeverinë, e cila duhet t’i plotësojë, në rast të kundërt sezoni futbollistik nuk nis.
Reagimi nga ana e institucioneve përgjegjëse nuk ka ardhur dhe klubet e Superiores kanë vendosur të hartojnë një letër publike, drejtuar kryeministrit Edi Rama. Letra në thelb ka të njëjtat kërkesa, teksa qeverisë i tregohet se kampionati nisi edhe në vitin 1997, kur vendi u përfshi nga trazira të mëdha.

