Baily Jean Matheson ishte vetëm 35-vjeç kur u diagnostikua me kancer. Pronarja e biznesit në Kanada, u diagnostikua me leiomiosarkoma, një lloj kanceri malinj që zhvillohet në indet lidhëse dhe i kishin mbetur vetëm 12 muaj jetë.
Bailey arriti të mbijetonte 2 vite e gjysmë kur mori një vendim të guximshëm. Ajo vendosi të mos i nënshtrohet kimioterapisë. Në një letër të shkruar nga ajo pak para se të ndërronte jetë shprehej që kërkonte të jetonte pjesën tjetër të jetës që i kishte mbetur ashtu siç besonte që duhej të jetonte. Në kohën e shkurtër që i mbeti të jetonte, ajo vizitoi disa nga miqtë e saj dhe të afërmit përpara se të kalonnte në jetën e përtejme.
Por, ajo shkruante, se vendimi i saj për të jetuar ditët e fundit të saj në mënyrë natyrale pa trajtime apo kimioterapi duhet të ketë qenë e vështirë për prindërit e saj, veçanërisht për faktin që ajo është fëmija e vetme.
“Prindërve të mi, faleminderit që më mbështetët mua dhe vendimet e mia gjatë gjithë jetës. Gjithmonë do ta kujtoj mamanë time duke thënë që humbja e një fëmijë mund të jetë gjëja më e vështirë që një prindër mund të kalojë. Prindërit e mi më dhanë dhuratën më të madhe duke mbështetur vendimet e mia, duke mos iu nënshtruar kimioterapiosë dhe duke më lënë të jetoj pjesën time të jetës ashtu siç besoj të jetë. E di sa e vështirë mund të jetë duke më parë mua duke i dhënë fund medikamenteve dhe duke lënë natyrën që të vijojë. Ju dua të dyve edhe më shumë për këtë” -shkruan ajo ndër të tjera në letrën e saj.