Policia e Dibrës ka vënë në pranga një 22-vjeçar i cili lëviztr me makinë jashtë fashës orare.
Sipas policisë ai u arrestua pasi kundërshtoi dhe fyeu efektivët.
NJOFTIMI
Bulqizë
Qarkullonte jashtë fashës orare pa ndonjë arsye të domosdoshme, fyeu dhe kundërshtoi punonjësit e Policisë pas ndalimit për verifikim, arrestohet në flagrancë 22-vjeçari.
Shërbimet e Komisariatit të Policisë Bulqizë, në vijim të punës për monitorimin e zbatimit të masave kufizuese anticovid, rreth orës 00:30, në qytetin e Bulqizës, kanë konstatuar një automjet që lëvizte jashtë fashës orare, të cilit i është bërë shenjë ndalimi për verifikimin e arsyes së lëvizjes. Gjatë komunikimit, drejtuesi i mjetit ka fyer dhe kundërshtuar shërbimet e Policisë.
Në përfundim të veprimeve të para hetimore u bë arrestimi në flagrancë i shtetasit F. A., 22 vjeç, banues në Bulqizë, për veprën penale “Kundërshtimi i punonjësit të policisë së rendit publik”.