Bayerni siguron një vend për në finalen e Botërorit të Klubeve, teksa ka arritur që të fitojë 2-0 gjysmëfinalen ndaj ekipit egjiptian Al Ahly. Skuadra e Flick dominoi ndeshjen, por nuk do t’i konkretizonte të gjithë rastet.
Në minutën e 17-të, pas një aksioni të gjatë, Lewandowski është si gjithmonë në vendin e duhur dhe në kohën e duhur për ta dërguar topin në rrjetë. Në pjesën e mbetur të ndeshjes ekipi egjiptian do të krijonte shumë pak për të merituar qoftë barazimin.
4 minuta nga fundi, Bayerni vulosi kualifikimin për në finale, pasi Lewandowski do të realizonte edhe golin e dytë, duke treguar aftësitë e tij fantastike për gjetjen e rrjetës. Në finale, Bayerni do të sfidojë Tigres, që dje triumfoi dje 1-0 ndaj Palmeiras.