Prof. Eduard Ndreca, kryetari i Partisë Socialiste të Bashkisë Lezhë, me shumicën e votave të Këshillave Bashkiakë Lezhë, Kurbin, Rrëshen bëhet Kryetar i Këshillit të Qarkut Lezhë. Nënkryetari i Këshillit të Qarkut u zgjodh Agron Ivanaj i cili zëvendëson Agostin Marku në këtë detyrë.
Kryetari i ri i Qarkut Eduard Ndreca zëvendëson në këtë post ish kryetarin Gjok Ndoka të cilit i ka mbaruar mandati.
Këshilli i Qarkut është një institucion kyç sidomos në raport në projektet bashkëpunuese me Bashkimin Evropian. Vitet e fundit ish drejtuesit e Qarkut Lezhë bindën përfaqësuesit e BE të miratojnë 4 projekte bashkëpunimi me këtë institucion.
Kryetari i sapozgjedhur falenderoi Kryeministrin Rama, këshilltarët e Qarkut Lezhë, deputeten Lindita Nikolla dhe në veçanti kryebashkiakun e Lezhës Pjerin Ndreu për besimin e dhënë dhe mbështetjen e treguar.