Në ambientet e jashtme të një biznesi në qytetin e Lezhës ka ndodhur një shpërthim me lëndë plasëse. Mësohet se biznesi në fjalë ndodhet në lagjen Besëlidhja në Lezhë. Ndërsa, lënda plasëse e përdorur ka qenë një ndezës granate.
Raportohet se nga ky shpërthim fatmirësisht nuk ka persona të lënduar, ndërkohë që “blutë” e Lezhës kanë mbërritur menjëherë në vendngjarje ku kanë filluar hetimet për këtë rast.