Një ngjarje e rëndë është regjistruar mbrëmjen e 3 korrikut në aksin rrugor Prrenjas–Librazhd.
Sipas të dhënave paraprake, në fshatin Hotolisht dyshohet se një gur është shkëputur nga mali dhe ka rënë mbi një automjet tip “Benz”, që ishte në lëvizje.
Për pasojë, ka humbur jetën drejtuesi i mjetit, shtetasi 42-vjeçar me inicialet A.H.
Autoritetet kanë nisur hetimet për të zbardhur plotësisht rrethanat e ngjarjes
Njoftimi i policisë:
Librazhd / Informacion paraprak
Rreth orës 22:30, në aksin rrugor “Prrenjas–Librazhd”, në fshatin Hotolisht, dyshohet se është shkëputur një gur nga mali dhe ka rënë mbi automjetin tip “Benz”, me drejtues shtetasin A. H., 42 vjeç, banues në fshatin Gjergjan, Elbasan, i cili ka humbur jetën.
Grupi hetimor dhe shërbimet e Policisë ndodhen në vendngjarje dhe po punojnë për dokumentimin e plotë ligjor të rrethanave të rastit.