Një ngjarje e rëndë ka ndodhur në fshatin Dragostunjë në Librazhd, ku xhamia e zonës është vjedhur gjatë natës.
Burimet nga vendi i ngjatjes bëjnë me dije se autorët, ende të paidentifikuar, dyshohet se kanë marrë një shumë prej rreth 5 mijë euro.
Ende nuk ka detaje se kush kanë qenë autorët dhe nuk ka informacion mbi ndonjë hetim të nisur nga autoritetet për zbardhjen e ngjarjes dhe identifikimin e tyre.
Imami i xhamisë së Dragostunjës ka konfirmuar ngjarjen e cila është një nga më të rëndat e ndodhura aty.
Që nga koha e rihapjes së instutucioneve të kultit në Rrethin e Librazhdit pas vitit 1990 sipas besimtarëve muslimanë dhe jo vetëm nuk është rregjistruar ndonjë rast i vjedhjes së arkës apo i thyerjes së kasafortës në xhamitë e kësaj zone.
Në xhaminë e Dragostunjës për çdo vit besimtarët kontribuojnë në vlera të konsiderueshme në arkën e këtij objekti kulti.
Vitin e kaluar konfirmohet se besimtarët kontribuan me 3.4 mln lekë dhe gjatë muajve të parë të këtij viti shuma e parave të dhuruara nga besimtarët me rastin e Fiter Bajramit ka qenë e konsiderueshme. Kjo mesa duket ka nxitur vjedhësit të futen aty duke thyer një nga dritaret e xhamisë.