Deputeti socialist Petro Koçi, ka dhënë dorëheqjen nga posti i nënkryetarit të Komisionit të Edukimit.
Lajmi e ka bërë vetë të ditur në një postim në ‘Facebook’. Ai gjithashtu është shprehur i zhgënjyer edhe nga qëndrimi i disa deputetëve të mazhorancës gjatë kalimit të ligjit për Akademinë e Shkencave në Komision.
REAGIMI I PLOTË:
Zoti Koçi, në ambientin parlamentar përflitet se ju kini dhënë dorëheqjen para disa kohësh nga pozicioni i nëkryetarit të Komisionit të Edukimit dhe Mjeteve të Informimit Publik. I mbeteni akoma te njejtit qëndrim pasi projektligji juaj tashme kaloi në seancën parlamentare?
Sigurisht që po. Ne datën 11 Korrik në mbledhjen e Komisionit u shqyrtua projektligji i iniciuar prej meje dhe zotit Beqiraj. Një projekt që gezonte mbeshtetjen e shumicës së komunitetit akademik. Në përfundim të mbledhjes unë deklarova dorëheqjen për dy arsye. E para sepse projektligji nuk u hodh në votim me manovrën e largimit të deputetëve të opozitës dhe reduktimt të prezencës deri në mungese kuorumi. E dyta sepse disa kolege të maxhorancës mbajten qëndrime me ekuivok duke e mundësuar taktiken e opozitës për të rrezuar kuorumin. E konsiderova fyerje si sjelljen e opozitës ashtu edhe atë të kolegëve të mi. Une nuk pres vota pro nga opozita, sepse as nuk dua te ndihen të kompromentuar. Por moslejimin e votimit nuk e pranoj. Kjo është kundër rregullores dhe normalitetit. Marrja e pushkëve politike kunder Gjinushit nuk mund te cenoje proceduren parlamentare. Prandaj deklarova doreheqjen. Mendoj se ndodhi te tilla nuk mund te kalojne pa pasoja. Dhe terheqja ime nuk ka lidhje me fatin e nje projektligji por me fatin e procedures dhe rregullit parlamentar.
Ne pozicionin e anetarit te thjeshte neper komisione do kem serish te njejtin angazhim parimor.
Edhe nese per kete doreheqje nuk e vret njeri derrin ne ate komision, per mua ka rendesi qetesia e ndergjegjies time politike.
Faleminderit!