Apeli i Posaçëm ka lënë në fuqi masat e dhëna më herët për gjyqtaren e Elbasanit, Zamira Vyshka e cila do të qëndrojë në arrest shtëpie.
Dy avokatët e tjerë të arrestuar bashkë me gjyqtaren një muaj më parë, Ilir Pashaj dhe Taulant Ramollari janë lënë në masën “arrest me burg”.
Gjyqtarja tha se hetimi është i montuar, ndërsa në përfundim të seancës, ajo tha se vendimi i apelit është i padrejtë.
Gjithçka lidhet me një rast të korrupsionit aktiv/pasiv në sistemin e drejtësisë, ku familjarë të një shtetasi të arrestuar në bashkëpunim me avokatin mbrojtës, i kanë ofruar gjyqtarit të çështjes një shumë monetare me qëllim favorizim në caktimin e masës së dënimit.
Bëhet fjalë për familjarë të Xhulio Musajt i cili ishte arrestuar për plagosje, të cilët me anë të avokatit të tyre Ilir Pashaj i ofruan gjyqtares para.