Kuvendi i Shqipërisë, miratoi të enjten ndryshimet në Kodin Rrugor në Republikën e Shqipërisë me 102 vota pro, 1 abstenim dhe 6 kundër. Eksperti rrugor Fadil Likaj, thotë se me ndryshimet e reja të cilat i cilësoi si të domosdoshsme një drejtues i ri nuk mund të drejtojë një mjet me fuqi të lartë dhe kjo sipas tij do rrisë vigjilencën e shoferit të ri. Ai tha se një drejtues i ri nuk duhet të drejtojë një mjet me një fuqi më të madhe se 260 kuaj fuqi në dy vitet e para dhe se është e rëndësishme që të jetë dhe nën mbikëqyrjen e një drejtuesi që ka eksperiencë.
“Po të shohësh Kodi Rrugor para aksidentit nuk kishte parashikuar cilindratën e drejtuesve të rinj dhe për këtë arsye më vjen mirë që shteti ka marrë masa për ndryshimin e kodit rrugor ku çdo drejtues mjeti i sapo patentuar nuk do mund të drejtojë mjete me fuqi të lartë. Kjo duhet të kishte ndodhur më herët sepse i jep mundësi drejtuesve të mjeteve të jenë të vetëdijshëm dhe të kujdesshëm.
E thënë më thjesht, një drejtues i ri nuk duhet të drejtojë një mjet me një fuqi më të madhe se 260 kuaj fuqi, një drejtues mjeti mund të drejtojë mjete të vogla si Ford Fiesta, Toyota Yaris, pra të një madhësie të vogël. Gjithashtu një drejtues i ri duhet të jetë nën mbikëqyrjen e një drejtuesi që ka eksperiencë të madhe sepse një drejtues i ri nuk mund ti japë një automjeti me 1200 kuaj fuqi sepse ai kur del në rrugë nuk mund të drejtojë një mjet me më shumë se 1200 kuaj fuqi kjo bën të mundur familjarizimin e tij me rrugën. Ndërsa po të jetë një mjet i vogël nuk u jep mundësinë drejtuesve të lëvizin më shumë se sa i lejon Kodi Rrugor”,-tha Likaj.