Ish-presidenti Ilir Meta i rikthyer në partinë e tij, e ku dje në Konventën Kombëtare e pagëzoi me emrin “Partia e Lirisë”, jep një tjetër mesazh.
Sot përmes postimit të disa fotove nga takimi i djeshëm në rrjetin social facebook, Ilir Meta shkruan se tani është koha për veprim dhe se nuk duhet humbur asnjë sekond.
“Me mirënjohje për të gjithë delegatët për vendimin historik të themelimit të Partisë së Lirisë. Dje hodhëm hapin e parë në përmbushjen e misionit tonë për rivendosjen e Sovranitetit të plotë të popullit shqiptar nëpërmjet Referendumit. Tani është Koha për Veprim! Asnjë sekondë për të humbur”,-shkruan Meta