Atmosferik, tërheqës dhe kozmopolit, Lizbona, kryeqyteti Portugez, i cili ka gjithçka që ju nevojitet për një udhëtim në Evropë: kulturë, ushqim të mirë, arkitekturë interesante dhe histori. Nuk është rastësi që është një nga destinacionet më të njohura të Evropës përgjatë gjithë vitit.
1. Lagjet atmosferike
Alfama është lagja më e vjetër dhe më piktoreske e Lisbonës, është zona e vetme e mbetur e paprekur nga tërmeti shkatërrues i vitit 1755. Një shëtitje nëpër rrugët e saj shumëngjyrëshe, është një udhëtim në kohë. Natën, muzika fado melankolike dëgjohet në restorantet e vjetra.
Katedralja Se me dy kullat e saj dhe kështjella e Shën Gjergjit (Castelo de Sao Jorge), e vendosur në majën më të gjatë të shtatë kodrave të Lisbonës, ofrojnë një pamje panoramike që të lë pa frymë.
Në zonën Baixa do të shëtisni përgjatë Bulevardit të famshëm Da Liberdade, përgjatë të cilit do të gjeni dyqane të shkëlqyera për të bërë pazar.
2. Udhëtimi me tramvaj
Rrugët tradicionale të tramvajit, të cilat kalojnë nëpër shtëpi dhe dyqane, zbulojnë shumë kënde të bukura të qytetit, janë një përvojë për të mos u humbur. Sidomos tramvaji 28 është një tërheqje në vetvete. Fillon nga Praça do Martim Moniz, kalon nëpër shumë zona të qytetit dhe ngjitet deri në Alfama, duke ofruar pamje të mrekullueshme të qytetit.
3. Kulla e Belemit
Vendi historik i Belemit ka pamjet unike, është pjesë e Trashëgimisë Botërore të UNESCO-s. Këtu do të shihni Torre de Belém, një kullë e bardhë imponuese që ndërthur stilin Moorish, Gotik dhe atë të Rilindjes, si dhe Manastirin e Shën Jeronimit (Mosteiro dos Jeronimos), ku janë vendosur varret e Vasco da Gama dhe Fernando Pessoa.
4. Fadot
Muzika-simbol për Lisbonën. Fadot janë këngë melankolike, portugeze folklorike që rrëfejnë dashurinë dhe emocione të forta. Do ta dëgjoni në shumë restorante dhe bare në lagjet Alfama, Mouraria dhe Lapa. Në Alfama mund të vizitoni edhe Muzeun Fado, i cili zbulon rrënjët e muzikës tradicionale.
5. Kuzhina portugeze
Në Lisbonë do të provoni ushqime në çfarëdo versioni që mund ta imagjinoni. Në përgjithësi, ju do të shijoni peshk dhe ushqime deti të freskëta, pa munguar dhe pjata dhe mish. Taverna piktoreske (tascas) me ushqim të mirë dhe kuzhinë kreative si edhe shije ndërkombëtare që mund t’i gjeni në zonën Bairro Alto. Vlen të provohet edhe dyqani i ëmbëlsirave historike, i cili i bën ato në një recetë sekrete nga 1837.
6. Parque das Nacoes
E ndërtuar në zonën e zhvilluar për ekspozitën e Lisbonës ’98, ngjitur me lumin Tagus, Parque das Nacoes është një peizazh urbanistik futuristik që zbulon për vizitorët fytyrën moderne të kryeqytetit Portugez. Një destinacion ideal për të gjithë familjen, përfshin qendrën e madhe tregtare Vasco da Gama dhe Oceanario de Lisboa – një nga akuariumet më të mëdhenj dhe mbresëlënës të Evropës. Ka edhe restorante, zona të kohës së lirë, kazinotë dhe parqe ideale për pikniqe, dhe biçikleta dhe teleferikë mund të arrihet.
7. Sintra, qyteti piktoresk
Nëse keni kohën, ia vlen të udhëtoni në qytetin afër Sintra, një udhëtim me tren 40-minutësh nga Lisbona. Një pjesë e Trashëgimisë Botërore të UNESCO-s, ky qytet përrallash është plot me pallate, kopshte dhe vila.