Kryeministri Edi Rama bëri të ditur se më 27 prill, pra ta hënën e ardhshme do të hapet dhe blloku i dytë i bizneseve.
“Lista do të publikohet në e-albania dhe faktikisht çdo aktivitet ka dhe kodin e vet përkatës. Me këtë bllok të dytë i japim mundësi të kthehen në punë 27.589 punonjësve të regjistruar. Këtu hyjnë shitje me pakicë në dyqane jote specializuara, tregti me pakicë të veshjeve, shitje me pakicë e mallrave të tjera të reja të specializuara, tregtia me pakicë e tekstileve, e këpucëve dhe artikujve prej lëkurë, tregtia e mobiljeve, pajiset e ndriçimit, artikujve shtëpiake, tregtia me pakicë e luleve, bimëve dhe farave, kafshëve dhe ushqimit të tyre, bizhutero pajisje audio dhe video, regjistrimi i zërit dhe aktivitetit të publikimit të muzikës, veshje mureve, dyshemeve, lojërave dhe lodrave në dyqane të specializuara, regjistrueseve muzikore, pajisjeve sportive, shitja me pakicë e sistemit të sigurisë, telekomunikacioni në dyqane të specializuara. Kjo është lista dhe bashkëngjitur me të ka një protokoll të veçantë të masave”, tha kryeministri Rama.
Ai bëri të ditur se do të nisë dhe shërbimi taksi. “Javën e ardhshme hapet dhe protokolli i shërbimit taksi, ka një tërësi kërkesash specifike dhe shërbimi taksi është pjesë e listës për javën e ardhshme, sigurisht me vetëm 1 person brenda në diagoonal me shoferin”, vijoi ai.
Rama tha se paratë që janë dhënë nga qeveria, edhe pse do të nisë puna nuk do të merren mbrapsht.