Lionel Messi ka paralajmëruar një konferencë për shtyp, sot në 12:00. Pak çaste përpara se Pleshti të nisë fjalën e tij në Camp Nou, stadiumi përqark është “pushtuar” nga fansat e Barcelonës, duke treguar edhe njëherë dashurinë që katalanasit kanë për të.
Pleshi lë kështu pas 22 vitesh Barcelonën, pasi klubi dhe La Liga nuk kanë rënë dakord për kontratën e re të lojtarit, pasi klubi është në borxhe prej 480 milionë eurosh. Në 12:00 pritet që Messi të shpjegojë arsyet e “divorcit” të bujshëm, duke u ndarë nga dashuria e tifozëve për më shumë se dy dekada.
LIVE:
“Në këto ditë të fundit jam menduar shumë se çfarë të them dhe e vërteta është se nuk mund të them asgjë, shumë e vështirë është kjo për mua pas shumë vitesh që jam këtu. Nuk jam gati për këtë. Po e lë skuadrën dhe qytetin pas 21 vitesh, me një grua dhe 3 fëmijë të vegjel katalano-argjentinas. I kam premtuar fëmijëve të mij që do jenë këtu me zemër.
Falenderoj të gjithë, shokët e ekipit dhe të gjithë tifozët. Klubi ka qenë si shtëpi për mua. Në këtë klub kam kaluar shumë gjëra të bukur, të këqijat më kanë bërë të rritem dhe ja ku jemi sot. Gjithçka dua të them është se kam dhënë çdo gjë për këtë fanellë, për këto ngjyra. Kam marrë dashurinë e njerëzve dhe s’ka gjë më të mirë se kjo. E paimagjinueshme të thoja lamtumirë në këto rrethana.
Të luaja pa publik gjatë pandemisë ka qenë e vështirë. E lë klubin pa parë fansat për një vit e gjysmë, pa njerëz. Dua të them mirupafshim me gjithë dashurinë që më keni dhënë, jam i përulur. E konsideroj dashurinë që klubi dhe ju më keni dhënë, duke i’ua kthyer në fushë gjatë viteve.
Kam harruar shumë gjëra se çfarë dua të them, por jam mes emocionesh. Dua t’iu them faleminderit të gjithëve”, tha Messi mes lotësh dhe duartrokitjesh nga të pranishmit.