Llalla azil politik në Itali? Dumani thotë se ka marrë pasaportë: Po punojmë për ekstradimin

A ka marrë ish-prokurori i Përgjithshëm Adriatik Llalla azil politik në Itali? Altin Dumani, kreu i SPAK-ut, tha sot se procesi vijon në Itali për ekstradimin e ish-kryeprokurorit, ndërsa shtoi se ka besim se ai do të kthehet në vendin tonë për vuajtjen e dënimit. “Adriatik Llalla ka përfituar nga Gjykata e Apelit në Romë marrjen e pasaportës me qëllim lëvizjen brenda territorit italian. Procesi vijon në Itali për ekstradimin e ish-kryeprokurorit të Shqipërisë Adriatik Llalla”, tha Dumani në komunikimin sot me gazetarët.