Ministri i Brendshëm Sandër Lleshaj nuk i është përgjigjur kërkesës së komisionit parlamentar të medias për një seancë dëgjimore, për ndërhyrjen e policisë nëpër fakultete gjatë protestës studentore.
Kryetarja e Komisionit, Albana Vokshi tha se kjo nuk është hera e parë që ndodh, dhe ministra të tjerë nuk i janë përgjigjur një fteste të tillë. “Ministrat të mos shkelin kushtetuën dhe të paraqiten në komision”, tha Vokshi.
Edhe deputeti tjetër i opozitës, Luçiano Boçi tha se Lleshaj duhet të japë shpjegime pse ndërhyrja e policisë u bë para shkresës, si dhe shkelje të tjera sipas tij.