Autorja fituese e logos kombëtare të 80-vjetorit të Çlirimit të Shqipërisë, Erjona Karkini tha se në logon që përmban Monumentin “Nënë Shqipëri” u mundua që të përcjellë lirinë që fal figura e saj me elementë si veshja që valëvitet, që në këtë rast mban në dorë flamurin shqiptar, ndryshe nga skulptura ku ajo ka gjethe dafine dhe një yll.
26-vjeçarja, ish-studente e Arkitekturës e njëkohësisht bashkëthemeluese e një startup-i në fushën e dizajnit dhe marketingut, shpjegon se “ideja për logon erdhi natyrshëm duke qenë se ky vit shënon edhe 80-vjetorin e Çlirimit të Shqipërisë. Simboli i këtij eventi është monumenti “Nënë Shqipëri” realizuar nga skulptorët e njohur Kristaq Rama, Muntaz Dhrami dhe Shaban Hadëri”.
Flamuri merr prezencë skenike kur valëvitet nga era dhe prej këtij imazhi erdhi edhe ideja e shiritit që formon 80-ën e viteve që gëzojmë ne si të çliruar, ndjesia që të jep pavarësia”, tha Karkini.