Lori Hoxha është një nga blogeret më të famshme dhe të dashura shqiptare. Ajo numëron rreth 900 mijë ndjekës në Instagram, ku është shumë aktive dhe ndan ne ndjekësit e saj postime të ndryshme. Vlen të theksohet se Lori nuk është frymëzim vetëm për mënyrën e të veshurit apo këshillat e saj për modën, por edhe për tema shumë të ndjeshme që trajton, si për shembull ankthi. Blogerja flet shpesh për këtë problem të shëndetit mendor dhe mundohet tu vijë sadopak në ndihmë personave të tjerë që kanë të njëjtin problem.
Mirëpo, e dini që Lori ka edhe një llogari tjetër private në Instagram? Këtë gjë e ka treguar vetë së fundmi në një intervistë virtuale në Instastory ku ka thënë se kjo llogari është vetëm për miqtë e saj më të ngushtë. E pyetur se çfarë ka ndryshe Instagrami i saj privat nga ai publik, Lori tha se ka përshkrime më të mira në foto, duke ndarë një imazh me dy vezë të ziera në dorë.
Ndërsa një ndjekëseje tjetër, e cila i kërkoi nëse mund ta ndiqte atje, Lori iu përgjigj:
“Do të më pëlqente të të kisha atje, por sinqerisht është kaq privat dhe postoj gjëra e materiale nga grupet e Whatsapp-it. Asgjë frymëzuese! Vetëm unë duke qenë vetvetja me miqtë e mi të afërt.”
Edhe ju jeni kuriozë se çfarë poston Lori në këtë adresë, apo jo? Sipas gjasave s’do e mësojmë kurrë…