Luan Baçi ka deklaruar se një punonjës i Bashkisë së Patosit është dhunuar, pasi, sipas tij, nuk ka pranuar që të plotësojë një formuar për votues.
“Ishte një formular me votime, ku më kërkuan që të shkruaja emrat e familjes po që nuk pranova. Më thanë të shkruaj 10 emra që ishin të sigurt që do votonin pasi refuzova dhe nisa të largohesha Petrit Pëllumbi më gjuajti dhe më shtriu përtokë”, u shpreh i dhunuari Bato Dalipaj.
Ndërsa Baçi shtoi se: “Me plot respekt për mediat, nuk ka asgjë politike. Puna e parë i thash shko në spital. Duhet ti drejtohesh policisë dhe shtetit që mos të heqin nga puna. Problematika të tilla krijojnë precedentë që pasojnë dhe me vrasje, siç ka ndodhur dhe më herët. Kryeministri duhet të heqë dorë nga presionet dhe shantazhi, duhet s’del vete kryeministri po dalin të vegjlit e kryeministrit. Jemi në mes të fushatës dhe situata do agravojnë. Edi Rama e di që do të humbë se nuk ia voton njeri kandidatët problematikë dhe do që t’i marrë bashkitë me dhunë. I bëj thirrje OSBE/ ODIHR që të jetë në terren për të vëzhguar situatën.”