Ndonëse tashmë janë të ndarë në llogore të ndryshem politike, vite më parë ata kanë qenë pjesë e një familjeje politike, ndërsa kanë punuar sëbashku si gazetarë në “Zërin e Popullit”.
Pikërisht në ditën e betimit si zv/ kryeministër, deputeti I LSI-së Luan Rama ka uruar përmes një postimi në Facebook mikun e tij të hershëm socialist Erjon Braçe, duke theksuar se ”t’a njoh devocionin dhe 27 vjet përkushtim e shërbim si socialist, jam i bindur, do të të ndihmojnë të bësh më të mirën”.
“Një urim për Erion Braçen! Erion, suksese në detyrën e zëvendëskryeministrit; mbarësi dhe faqebardhë në përmbushje të përgjegjësisë së re! Kemi punuar bashkë në kohë të vështira; atëherë kur “Zëri i Popullit” ishte Partia Socialiste e më shumë se aq, dhe kur për ne u bë shtëpi dhe shkollë. T’a njoh devocionin dhe 27 vjet përkushtim e shërbim si socialist, jam i bindur, do të të ndihmojnë të bësh më të mirën”, shkruan Luan Rama.