Kancelari gjerman Olaf Scholz ka konfirmuar se vendi i tij do të furnizojë me armë Ukrainën. Gjermania do t’i ofrojë Ukrainës 1000 armë antitank, 500 raketa tokë-ajër, 14 automjete të blinduara dhe deri në 10,000 ton karburant në Ukrainë.
“Pushtimi rus i Ukrainës shënon një pikë kthese. Është detyra jonë të bëjmë më të mirën për të mbështetur Ukrainën në mbrojtjen kundër ushtrisë pushtuese të Putinit”, thuhej në postimin e Scholz në Twitter.
Gjithashtu, ministria gjermane e ekonomisë dhe klimës tha se Gjermania ka lejuar Holandën të dërgojë 400 armë antitank të prodhimit gjerman në Ukrainë.
“Miratimi është konfirmuar nga Kancelaria,” deklaroi të shtunën një zëdhënës i ministrisë së mbrojtjes.