Hetuesit kanë filluar nga puna për mbledhjen e provave për krime lufte në Ukrainë. Provat do të mblidhen Hetuesit do marrin parasysh çdo situatë të ndodhur që nga pushtimi i Ukrainës nga Rusia në 24 shkurt. Ndërkaq të gjithë ukrainasit që janë larguar nga skenat e shkatërrimit dhe masakrës po intervistohen nga hetuesit, në pritje të një gjyqi të ardhshëm për krimet e luftës të Vladimir Putin.
Mbi një milion refugjatë që kanë kaluar kufirin do të shërbejnë si dëshmitarë okularë, teksa fluksi i pamjeve video përmes mediave sociale ka siguruar një sasi të paprecedentë provash që po i nënshtrohen analizës mjeko-ligjore.
Gjithsesi, sasia e madhe e provave nuk është domosdoshmërisht një garanci për një gjyq të suksesshëm dhe hetuesit me përvojë të krimeve të luftës paralajmërojnë se do të jetë një luftë e gjatë përpara se Putini dhe regjimi i tij të jenë në bankën e të akuzuarve, personalisht ose në mungesë.