Sot, presidenti rus Vladimir Putin ka zhvilluar sërish një bisedë telefonike me presidentin francez Emmanuel Macron dhe kancelarin gjerman Olaf Scholz lidhur me situatën e luftës në Ukrainë. Ky lajm u bë publik nga Kremlini zyrtar.
Po ashtu, edhe burime pranë qeverisë gjermane i konfirmuan këto diskutime, duke thënë se Scholz dhe Macron i bënë thirrje Putinit që të zbatojë menjëherë një armëpushim. Më herët gjatë ditës së sotme ministri i Jashtëm rus Sergei Lavrov u takua me homologun e tij ukrainas në Antalia me synimin për të arritur negociata.
Sipas asaj që deklaroi Dmitry Kuleba pas takimit të tij me Lavrov, u diskutua një armëpushim 24-orësh, por nuk u arrit asnjë përparim.
“Duket se të tjerë po marrin vendime për këto çështje në Rusi,” u shpreh ai.